በጎንደር ዩኒቨርሲቲ በማራኪ ግቢ በምርምር ፕሮጀክት አዘገጃጀት የስነ-ምግባር ስልጠና ተሰጥቷል

በጎንደር ዩኒቨርሲቲ የምርምር ህትመት ዳይሬክቶሬት ዳይሬክተር ዶ/ር ምሳዬ ሙላቴ እንደገለፁት የስልጠናው ዋና ዓለማ የመምህራንን የምርምር ንድፈ ሃሳብ አቅምን ለማጎልበትና የምርምር ስነ-ምግባር ማለት ምን እንደሆነ ግንዛቤ መፍጠር መሆኑን ተናግረዋል፡፡

የምርምር ስነ-ምግባር ጥናቱ ሲታቀድ ጥናቱ ሲተገበርና ጥናቱ ሲጠናቀቅ ሊደረጉ የሚገባቸውን ጥንቃቄዎች በአግባቡ ለማድረግ ያስችላል ብለዋል፡፡

የጎንደር ዩኒቨርሲቲ የምርምርና ስነ-ምግባር ኦፊሰር አቶ ንጉሴ ይግዛው በበኩላቸው የምርምር ስነ-ምግባር የጥናቱን ተሳታፊዎች አጠቃላይ ግለሰባዊ መረጃዎችን ለመጠበቅ የሚያስችል ሲሆን የምርምሩን ሳይንሳዊ ዘዴና ቴክኒክ በአግባቡ ለመጠቀም ያስችላል ብለዋል ፡፡